NÆSTA NÁMSKEIÐ

Mán. 24. og þri. 25. sept. kl. 16:15 – 19:15

SKRÁ SIG – SMELLTU HÉR!

NÝTTU AUGLÝSINGAKERFI FACEBOOK EINS OG FAGMANNESKJA

Allir geta auglýst á Facebook, en stundum fara auglýsingakrónurnar einhvern veginn út um gluggann. Margir nota “bústhnappinn” í tíma og ótíma í þeirri vissu að það sé leiðin til að auglýsa á Facebook. En Facebook ráðleggur t.d. fyrirtækjum að nota einungis 10% af auglýsingakostnaði í “búst”. 90% af fyrirhuguðum auglýsingakostnaði ætti að ráðstafa í alvöru auglýsingar, sem framleiddar eru í Auglýsingastjóranum eða með Power Editor, sem eru ókeypis verkfæri sem Facebook leggur auglýsandanum til. Þetta getur þú lært.

Í janúar tilkynnti Facebook byltingakenndar breytingar á miðlinum, sem þýðir að vilji fyrirtæki virkilega vera í tengslum við markhópinn sinn (74% íslenskra fyrirtækja eru á Facebook og álíka hlutfall Íslendinga notar Facebook daglega) –

þá er tvennt til ráða:

1. Fyrirtækin þurfa að falla frá “auglýsingatengdri” miðlun og læra fyrir alvöru að framleiða efni sem skemmtir, uppfræðir og vekur umræður í fylgjendahópnum. Facebook tekur nú “virkni” fram yfir fjölda þeirra sem síðan nálgast. Reikniheili Facebook aðstoðar við að koma efni á framfæri sem notendur hafa virka skoðun á og ræða sín á milli. Ef fyrirtæki halda áfram að nota fréttastreymið til að dreifa froðusnakki, þá berst boðskapurinn hreinlega ekki til þeirra sem líkar við síðuna og þar af leiðandi heldur ekki áfram til annarra.

2. Fyrirtækin þurfa að reikna með því að “borga til að leika” og þar með í eitt skipti fyrir öll að læta að nota peningana til hins ítrasta í gegnum auglýsingakerfið – ekki búst.

Eðli Facebook auglýsinga og aðgerðir liggja ekkert í augum uppi. Aðferðafræðin, vinna með markhópa, mismunandi útgáfur/virkni, framleiðsla á auglýsingum og möguleikar herferðanna til að breyta aðgerðalausum notanda í verðmætan viðskiptavin, sem nýtir sér þjónustu fyrirtækisins getur vafist fyrir mörgum og þá er stundum gripið til flýtileiðarinnar – að “bústa”.

Facebook veit meira um hvern og einn notanda en notandinn sjálfur eða nánasta fjölskylda veit um viðkomandi. Reiknikerfi Facebook og gervigreindin sem potar að okkur niðurstöðum getur í þessum skrifuðu orðum gefið okkur möguleika á yfir 100 þúsund blæbrigðum í hegðun hvers og eins. Og vilji fyrirtæki virkilega vinna með þessar upplýsingar, sem auglýsingakerfið gefur okkur aðgang að, þarf einfaldlega að komast að því hvernig hlutirnir virka. Læra að hjóla. Flestallir geta lært að hjóla – og flestir geta lært að nýta sér Facebook auglýsingar til raunverulegs árangurs! Þess vegna er þetta námskeið sérsniðið fyrir þig.

Á þessu námskeiði köfum við í eðli Facebook auglýsinga, lærum réttu handtökin og förum yfir trixin, hvað gengur og hvað gengur ekki.

Sérsniðnu markhóparnir eru eitt það skemmtilegasta sem þú vinnur með í auglýsingakerfinu. Þú getur prófað að búa til þína eigin eða notfæra þér aðstoð gervigreindar Facebook, sem þá ryksugar fyrir þig gagnagrunninn í leit að þeim markhópi sem þú óskar eða sem passar þér best. Þú gætir til dæmis óskað eftir hóp sem hefur horft á 25% af ákveðnu myndbandi – þú vilt sýna þeim myndbandið aftur, því það gæti hvatt til sölu á vörunni eða þjónustunni, sem þú býður.

Með auglýsingastjóranum getur þú meðal annars:
Unnið með mismunandi hegðun herferða – hátt á annan tug. Hægt er að velja aukna umferð á vefsíðu eða fleiri áhorf á myndband.
Nota endurmarkmiðun, sem er arfavinsælt og þýðir að hafi notandi til dæmis einu sinni komið inn á heimasíðu fyrirtækisins síðustu þrjá mánuði, þá má minna hann á að koma aftur og gera kaup eða skoða eitthvað nýtt.
Skoða beina tengingu auglýsingar og sölu.
Auglýsingar á mismunandi dreifileiðum (instagram, messenger)
Skapa “lookalike” og sérsniðna markhópa.
Gera margar mismunandi útgáfur af sömu auglýsingunni til að sjá hvaða áhrif t.d. mismunandi myndir eða titill hefur.
Og ótal margt annað.

Með bústhnappnum er einungis hægt að taka ákveðna uppfærslu og birta hana til að sýna ákveðnum fjölda og nýverið bættist við möguleikinn að bústa uppfærsluna í Messenger og taka við bókunum.

Vilji maður kreista auglýsingakrónurnar til hins ítrasta er tímanum vel varið í að komast til botns í auglýsingakerfinu, læra að stjórna kostnaðinum og nýta í þaula þennan áhrifamesta auglýsingamiðil heims.

Þetta námskeið gefur fyrst og fremst grunnfærni í að nýta sér helstu eigindi auglýsinga á Facebook og hvernig þú getur notað mismunandi leiðir til að láta herferðirnar vinna fyrir þig. Því auglýsing á Facebook er hreint ekki bara einföld auglýsing. Við kynnum okkur hvernig auglýsingar á samfélagsmiðlum greina sig frá “hefðbundnum” auglýsingum. Farið er yfir samsetningu herferðar, þar sem nýttar eru fleiri en ein leið til að ná til markhópsins, hvernig Instagram og Facebook eru einungis hluti þeirra dreifingaleiða sem þér stendur til boða. Unnið er með tölfræði og hvernig útgjöldum er háttað. Hvernig þú tengir aðgerðir á heimasíðu við auglýsingakerfið og fylgist með árangri einstakra herferða og/eða auglýsinga og gerir breytingar.

Við förum sérlega vel í vinnu með markhópa. Hvernig þú skapar þína eigin markhópa og hvernig þú nýtir gervigreind og gagnagrunn Facebook til að skapa sérsniðna markhópa. Hegðun markhópsins er undirstaðan og með réttri uppsetningu getur Facebook lært að þróa markhópinn þinn og þannig potað fleirum í þinn pott fyrir minni kostnað.

Við förum yfir hönnun auglýsinga, texta, myndir, vídeó og uppfærslur. Hvers konar efni hefur áhrif, hvað er hægt að framleiða án mikils tilkostnaðar og hvernig blöndum við áhrifaríkan kokteil, sem leiðir notandann í okkar rann?

Þetta námskeið er yfirgripsmikið grunnnámskeið í auglýsingahluta Facebook og segja má að það sé í raun tvískipt. Annars vegar köfum við í tæknihluta auglýsingakerfisins, lærum að leita að réttu hnöppunum, smella á þá og fá vélina til að virka – og hins vegar hvernig við nýtum kerfið til að framleiða – hanna mismunandi herferðir og auglýsingar.

Á námskeiðinu er fjallað um:
Mismunandi auglýsingaleiðir á Facebook.
Markhópagreining, sértækir markhópar, lookalike markhópar.
Hvernig við nýtum aðstoð Facebook til að breyta aðgerðalausum notanda í virkan viðskiptavin.
Hönnun auglýsinga, textar, myndir, myndbönd. Mismunandi þrep og leiðir eftir áherslum.
Hvernig þú stjórnar útgjöldunum, fylgist með árangri og gerir breytingar.
Auglýsingastjórinn, tenging auglýsinga og heimasíðu, tenging Facebook og Instagram auglýsinga.
Nýjustu breytingar í virkni Facebook og hvað þær þýða fyrir fyrirtækjasíðuna. Einfaldar leiðir til úrlausnar.

Ávinningur þinn:
Aukin þekking og innsýn í þann mismun sem einkennir markaðssetningu á hefðbundnum miðlum og samfélagsmiðlum. Skilningur á eðli Facebook auglýsinga þar sem fyrirtækið kaupir “hegðun” fremur en birtingar.
Þekking á mismunandi auglýsingaleiðum Facebook og hvernig mismunandi herferðir vinna fyrir þig.
Verkleg kennsla í uppsetningu Facebook auglýsinga.
Markhópagreining og notkun á Facebook verkfærum til að smíða og þróa þína eigin, sérsniðnu markhópa.
Upplýsingar frá auglýsingastjóranum og hvernig þú nýtir þær til að ná áframhaldandi árangri.

Fyrir hverja:
Námskeiðið er fyrir alla þá sem vilja öðlast sterkan og góðan grunn í að nýta sér Facebook auglýsingar og skilja eðli þeirra.
Námskeiðið er sérlega hentugt fyrir eigendur minni fyrirtækja, fulltrúa stofnana og félagasamtaka, en einnig fyrir starfsfólk markaðs- og samskiptadeilda stærri fyrirtækja, sem ætla sér að auglýsa á samfélagsmiðlum eins og Facebook og Instagram.

Umsagnir:
“Frábært í alla staði. Góð kennsla á gríðarlega nytsamlegu efni.”
“Námskeið til fyrirmyndar – afar praktískt.”
“Flott yfirferð og farið vel í mikilvægustu aðferðirnar.”
“Námskeið í heild alveg frábært.”

Auglýstu og náðu árangri.

Virkilega margir “bústa” uppfærslurnar sínar á Facebook, því það er svo þægilegt og fljótlegt. Facebook ráðleggur þér að “bústa” einungis í 10% tilvika, sem þú ætlar virkilega að ná til markhópsins og nota auglýsingastjórann 90% til að slá í gegnum múrinn. Þetta er voða fallegt af Facebook, því eins og ég hef oft sagt á námskeiðunum mínum í Auglýsingar á Facebook, þá eru flýtihnappar eins og “búst” sérlega góðir fyrir FB en kannski vænlegir til minni árangurs fyrir þig og þar af leiðandi oft sóun á tíma og fjármunum. Nú er Facebook að fjarlægja “búst”möguleikann á mjög mörgum aðgerðum og hvetur þig þannig til að nýta auglýsingastjórann. En þá væri sniðugt að læra á hann ekki satt? Komdu á námskeið í næstu viku.. skráðu þig í dag með því að smella á hlekkinn.https://www.endurmenntun.is/namskeid/stakt-namskeid?courseID=83H17&n=auglystu-a-facebook&fl=starfstengd-haefniTakk til frábærra nemenda hjá Símenntun H.A. á Akureyri fyrir fallegt veganesti í þessu vídeói.

Posted by Webmom.eu on 20. september 2017

2018-08-28T19:08:41+00:00